Ecclecticism

唔知有冇串錯呢:p 文雅d講是集百家大成; 俗d講意即大集會~
今日我又去家訪,是a童和單親媽媽的天涯公屋之家.
媽媽present的一籮行為問題在校是從未見過的,我想該是在家時媽媽沒人幫手,又缺乏技巧之故.
家訪觀察完一輪,即時教了媽媽一些行為處理的方法, 都有d效,告訴媽媽要持之以恆.
而臨走前我終忍不住用我在心理,生理,風水及家居設計的ecclectic approach畫咗個floor plan比媽媽.
解釋咗一輪,佢好滿意,又因有朋友的支持,應該可以付諸行動.
你可以話這不是很專業吧;
但你也可以話,這是融會貫通.
隨得你,最終的目的是要幫到案主改善生態環境(system?), 從而提升學習和成長的果效.

Microcephaly小腦症

小朋友約干年前在公家做的短版是70頭;
現在我做的完全版是50頭;
是小朋友退化了/短版唔準/仲有咩原因?
(某天早上做的,小朋友精神很好,又冇病,比足小息佢,又都好似已盡力了...)
點呢?

有關microcephaly:
http://www.skh.org.tw/mnews/165/2-1.htm

uhm, 要同行家傾傾......

相聚一刻

今日在某地工作,午飯時間在好辟的餐廳巧遇嘉雲同學.
可能係個天都知道我好想有朋友講講野: )
雖然趕趕趕,但是和朋友仔吹吹水真的讓我好開心.
明天記住出席飲茶大會呀^.^

進退兩難

有難題,好苦惱...
同事問我有冇興趣同cx一起進行portage的data analysis工作.
難在是project我一直冇跟開,同cx真是不知該怎合作.(仲有一班同cx一樣都係auntie級的老師:()
二是手上的工作已有做不完的感覺,有套adhd的課程只是開了個頭,但是進展就大墮後v.v
三是一直不認同同事的做法,明明是一套authentic ax的工具,要搞到好似standardised ax tool咁,跟本就係有違套工具的原意. 此外, 3-5歲的special kids, 在一個standardise testing environment做出來的評估,佢'唔識'做隨時係因為佢唔liky個assessor而唔係佢真係唔識.
四,最難處:同事一直都話有專業人士同佢地講assessment唔可以同education掛鈎! 而我地ex好強調 兩者的聯繫,點傾落去呢?
快快救我呀!比d智慧我啦....

雜耍

越來越覺得自己是個雜耍ex.
由幼稚園到小學到中學,由免費到半費到全費,都有沾邊.
最好笑就係幼稚園的同事說: 其實阿老板真係好錫你,佢冇叫你做埋成人rehab的服務.
嘩,如果做得到我或者可以去國家雜技團撈個一官半職了!
十月時發覺原來自己幼稚園那一份是頂了cx的位, 妙哉,冇人夠我雜!
但我喜歡這樣的工作,讓我有機會把過去兩年學了的theory和工具應用出來,加以consolidate.
當然,這樣下去不能發展出expertise.
因此我會讓自己雜耍一兩年,然後找出較明確的方向發展.

奶茶

今日在office整咗奶茶同大家分享,好開心.
飲咗奶茶而家有力繼續作戰了.
那個傷透腦筋的視覺策略ppt v.v

美好的時光

入秋後稍有涼意,飯後到office旁的香港動植物公園散步.
深吸一啖空氣, 冷快中有甜意,有生機.
天空中的閒雲就如我的心情.
斜坡上有2歲toddler玩thomas火車.
看他滿足地探索世界,我又想:有個仔好好.
但是揾食艱難,看來這美好的時光是在腦海中最好.

"傻佬"

話說今日和a童父親了解童之學習需要, 很開心他是如此正面樂觀積極地守護著女兒.
女女睡得不好,他會在睡前為她彈結他唱歌哄她睡;
她不喜歡聽兒歌, 他為她彈小調.
女兒最喜歡 "紅燭淚" , "一水隔天涯" 之類的老歌, 他就像個傻佬般陪她彈唱.
老師們笑他這個"傻佬", 但心裏都在為他們一家celebrate.
面對挫折與命運的作弄, "傻"也許是抗逆良方.
我們約好了,我會為"神雕俠侶"的melody配上童要學習的常用語, 由他作訓練,看看成果如何.
我一定要記得做呀!!!

反省

尤記得何仙女的教訓: 講talk, 一定要先做好need ax.唔係,不如唔好做.
我明,真係明.
但結果兩日講了三個talk,都冇做need ax. 結果是香了一個,過了兩個.
並發覺這種賣包講座不容易做need ax.
算了,都是自己唔好,未試過點知唔得?
下次一定試吓做先!